Իրանի նախկին փոխնախագահ Մոստաֆա Հաշեմի-Թաբան երկրի քաղաքացիներին հորդորել Է ընտրություններում քվեարկել Իրանի գործող նախագահ Հասան Ռոհանիի օգտին, որն իր թեկնածությունն Է առաջադրել երկրորդ ժամկետի համար, հաղորդում է ISNA գործակալությունը:
«Ես ցանկանում եմ, որ բոլոր թանկագին հայրենակիցներս իրենց ձայնը տան պարոն Հասան Ռոհանիին՝ պահպանելու համար Իրանը, նրա հեղինակությունն ու ապագան, ինչպես նաև երկրի անվտանգությունը»,- գործակալությունը մեջբերում Է Հաշեմի-Թաբայի խոսքը, որը Իրանի նախագահի չորս թեկնածուներից մեկն Է:
Այն բանից հետո, երբ նախագահական մրցարշավից դուրս եկան երկրի ղեկավարի պաշտոնի երկու հավակնորդներ, թեկնածուները մնացին ընդամենը չորսը՝ գործող նախագահ Հասան Ռոհանին, այաթոլլահ Իբրահիմ Ռայիսին, նախկին փոխնախագահ Մոստաֆա Հաշեմի-Թաբան և պահպանողականներից թեկնածու Մոստաֆա Աղա-Միրսալիմը:
Իրանի նախագահական ընտրությունները նշանակված են մայիսի 19-ին: Երկրի նախագահը կդառնա այն թեկնածուն, որը կհավաքի ընտրողների ձայների 50 տոկոսից ավելին: Եթե դա թեկնածուներից ոչ մեկին չհաջողվի, ապա կկայանա ընտրությունների երկրորդ փուլը: