«Անցյալ տարի Համաշխարհային հայկական կոնգրեսի և Ռուսաստանի հայերի միության նախագահ Արա Աբրահամյանի նախաձեռնությամբ Հայաստանում տեղի ունեցավ «Եվրասիական տարածաշրջանային տնտեսական (ԵՏՏ) ֆորում», մեկ տարի անց արդյո՞ք ներդրումների առումով որևէ արդյունք, շարժ կա»,- լրագրողների հետ զրույցում անդրադառնալով այս հարցին՝ ՀՀ տնտեսական զարգացման և ներդրումների փոխնախարար Հովհաննես Ազիզյանը նշեց. «Խնդիրը հետևյալն է. շատ բարդ է համաժողովի և ներդրումների միջև ուղղակի կապ տեսնելը, բայց ցանկացած համաժողովում, երբ մասնակցում ես և ներկայացնում ես քո երկիրը, դա բերում է ճանաչելիության բարձրացմանը, երկրորդ՝ կարողանում ես քո ծրագրերը ներկայացնել:
Շատ քիչ դեպքերում է լինում, որ տեղում կամ շատ կարճ ժամկետում հնարավոր է լինում պայմանագրեր կնքել: Մենք ունենք 70-ից ավելի ներդրումային ծրագրեր, որոնց մի մասը հնարավոր է, որ այսպիսի միջոցառումների արդյունք է»:
Մանրամասները՝ տեսանյութում: