Հայաստանը Եվրոպայում ամենավերջին հորիզոնականում է սեռական փոքրամասնությունների իրավունքների պահպանման հարցում: Ինչպես հաղորդում է Deutsche Welle պարբերականը, այս մասին ասվում է Լեսբուհիների, գեյերի, բիսեքսուալների, տրանսգենդերների միջազգային ասոցիացիայի (ILGA) մամուլի հաղորդագրությունում, որր հրապարակվել է հոմոֆոբիայի դեմ պայքարի միջազգային օրվա կապակցությամբ:
ILGA Europe-ը հիմնվում է Rainbow Europe Map 2017 քարտեզի վրա, որտեղ գրանցված է Եվրոպայի տարբեր երկրներում սեռական փոքրամասնությունների իրավունքների պաշտպանության ոլորտում առաջընթացը: Տեղեկատվության համաձայն՝ Հայաստանում առաջընթացի մակարդակը կազմում է 7 տոկոս, Ռուսաստանում՝ 6: Վերջինս զբաղեցրել է նախավերջին հորիզոնականը:
Սեռական փոքրամասնությունների իրավունքների ոլորտում ամենամեծ առաջընթացը գրանցել է Մալթան (88%), Նորվեգիան (78%) և Մեծ Բրիտանիան (75%):