Մայիսի 14-ին ԱՄՆ-ի և Եվրոպայի մի շարք երկրների բնակիչերը նշեցին Մայրության օրը: Այդ օրը Facebook-ը նորարարություններ է ներկայացրել. էմոձիների շարքում հայտնվել է մանուշակագույն անմոռուկ, որի խորհրդանշական իմաստը «շնորհակալությունն է»:
Այդ նոր խորհրդանիշը Թուրքիայում բողոքի ալիք է բարձրացրել; Թուրքական շատ ԶԼՄ-ներ մեղադրել են Facebook-ի ղեկավարությանը 2015թ. Հայոց ցեղասպանության խորհրդանիշը համարվող մանուշակագույն անմոռուկի կանխամտածված ընտրության համար: Նրանք նաև մեղադրել են Facebook-ն պաշտոնական Անկարայի դեմ քարոզչության համար՝ տեղեկացնում է Ermenihaber լրատվամիջոցը:
Մի շարք ԶԼՄ-ներում հոդվածներ հրապարակվեցին՝ «Հայերի Facebook-յան խաղերը թուրքերի դեմ» և «Ինչ է թաքնված երախտագիտության ծաղկի ետևում» վերնագրերով:
Հաջորդ օրը Facebook-ը ապաակտիվացրեց անմոռուկի նշանով էմոձին: