Ֆրանսիայի նախագահ Էմանուել Մակրոնը երկրի նոր վարչապետ է նշանակել: Այս մասին հաղորդում է Reuters գործակալությունը:
Կառավարության ղեկավարը դարձել է 46-ամյա Հավրի քաղաքապետ, փաստաբան Էդուար Ֆիլիպը, որը «Հանրապետականներ» կուսակցության անդամ է: Նա հայտնի է իր պահպանողական հայացքներով: Կուսակցական փրայմերիզների ժամանակ նա աջակցել է Ալեն Ժյուպենին, սակայն երբ կուսակցության թեկնածու է դարձել Ֆրանսուա Ֆիյոնը, անցել է նրա շտաբ: Երբ Ֆիյոնի շուրջ ծագել է կոռուպցիոն սկանդալը, Ֆիլիպը հեռացել է նախկին վարչապետից:
Ինչպես հաղորդում է գործակալությունը, Ֆիլիպի նշանակումն ունիկալ դեպք է Ֆրանսիայի պատմության մեջ. նախագահն առաջին անգամ կառավարության ղեկավար է նշանակել այլ կուսակցության անդամի:
Բրիտանական Express պարբերականն իր հերթին հաղորդում է, որ Մակրոնը, վարչապետ նշանակելով աջերի ներկայացուցչին, փորձում է հասնել առաջատար դիրքերի հուլիսին կայանալիք խորհրդարանական ընտրություններից առաջ: