Իսլանդիան կսկսի կիրառել հրաբխային ջերմությունը մաքուր էներգիայի արտադրության համար։ Դա կարվի երկրաջերմային տեխնոլոգիաների զարգացման նոր նախագծի շրջանակում։ Այս մասին հայտնում է The Independent-ը։
HS Orka էներգետիկ ընկերությունը մոտ 5 կմ խորությամբ հոր է փորել Ռեյկյանում՝ Blue Lagoon առողջարանային վայրի մոտ։
Հաջողության դեպքում նախագծի շրջանակում կարող է արտադրվել մինչև 10 անգամ ավելի շատ էներգիա, քան սովորական գազային կամ նավթային հորը՝ հրաբխային ակտիվ շրջաններում պահպանվող ջերմությունից էլեկտրականության արտադրության ուղով։
Իսլանդիան երկրաջերմային էներգիայի պիոներ է հանդիսանում, և երկրի էներգաապահովման 85 տոկոսն արդեն ստացվում է վերականգնվող աղբյուրներից։