Ռուսաստանի քաղաքացի հայազգի Մարատ Ուելդանով-Գալուստյանը, որը Բաքվում դատապարտվել է 8 տարվա ազատազրկման, ծեծի է ենթարկվել բանտում: Այս մասին Facebook-ում գրառում է կատարել նրա քույրը՝ Մարիանա Միրզոյանը:
«Ինձ Մարատը զանգահարեց և ասաց, որ մայիսի 5-ին ժամը 12.00-ին իրեն սարսափելի վայր են տեղափոխել… Պեական անվտանգության քննչական մեկուսարանում, որտեղ գտնվել է Մարատը, ստիպել են փաստաթղթեր ստորգրել այն մասին, որ նրանց դեմ բողոք չունի: Մարատը հրաժարվել է, նրան սկսել են հարվածել»,-գրել է Մարիանան:
Նա նաև նշել է, որ փաստաբանը չի այցլեում Մարատին, որպեսզի նա չհասցնի բողոքարկել ադրբեջանական դատարանի վճիռը: Մարիանայի խոսքով՝ Մարատը գտնվում է բանտախցում, որտեղ 11 մարդ կա և 8 քնելու տեղ: «Մարաը հիվանդ է, նա ջերմություն ունի»,-հավելել է քույրը:
Հիշեցնենք, որ Մարատ Ուելդանով-Գալուստյանը ձերբակալվել էր 2016թ. հունիսի 9-ին Բաքվում: Մարատի հարազատների պնդմամբ՝ նա ձերբակալել է հայկական ծագման համար: Ավելի ուշ Ադրբեջանում ՌԴ դեսպանատունը հայտնել էր, որ Մարատը մեղադրվում է թրմանյութերի անօրինական պահպանման և տարածման մեջ:
