Էմանուել Մակրոնի քարոզարշավի փաստաթղթերի զանգվածային արտահոսքը չկարողացավ խանգարել Ֆրանսիայի նախագահական ընտրություններում նրա համոզիչ հաղթանակին: Բայց հավանական է, որ թիրախը նրա պարտությունը չէր: Մակրոնը մեծ առավելություն ուներ, երբ փաստաթղթերը հրապարակվեցին համացանցում՝ գրում է The Washington Post-ը:
Կիբերանվտանգության ոլորտի մասնագետների կարծիքով՝ հարձակումը ռուսական հետախուզության հետ կապված խմբավորման «մատնահետքերը» ունի:
Այս գործողությունում ամենաշատ զարմացնում է ոչ թե արդյունքը, այլ հանդգնությունը: Ռուսները, որոնք մասնակցել են հարձակմանը, ըստ ամենայնի չեն մտածել իրենց ինքնությունը թաքցնելու մասին: Փորձագետների խոսքով՝ նրանցից մեկն օգտագործել է Excel ծրագրի ռուսական տարբերակը: Կարծես թե Վլադիմիր Պուտինի ռեժիմը հստակ ցանկանում էր հասկացնել արևմտյան ժողովրդավարներին. մենք կարող ենք կոտրել ձեր ընտրական համակարգերը և չենք ամաչում բացահայտորեն նման բան անելուց՝ ասվում է հոդվածում:
Պարբերականի կարծիքով՝ անհրաժեշտ է, որ որպեսզի արևմտյան կառավարությունները խստորեն և արդյունավետ պատասխանեն այդ ոտնձգություններին: Մոսկվայի օպերացիաները կձախողվեն, երբ արևմտյան հասարակությունը հասկա, որ դա յուրօրինակ սառը պատերազմ է 21-րդ դարի միջոցներով: