Ադրբեջանի նախագահ Իլհամ Ալիևը հույս ունի, որ Էմանուլ Մակրոնի նախագահության օրոք արցախյան հակամարտության կարգավորմանն ուղղված Ֆրանսիայի ջանքերը կհանգեցնեն հակամարտության խաղաղ կարգավորմանը: Ինչպես հաղորդում է Interfax գործակալության ադրբեջանական ծառայությունը, այս մասին ասվում է Մակրոնին ուղղված Ալիևի շնորհավորական ուղերձում:
«Ֆրանսիան, ինչպես մյուս համանախագահ երկրները, անընդունելի է համարում գործող ստատուս-քվոն: Ես առանձնակի նշանակություն եմ տալիս Ֆրանսիայի ջանքերին և հույս ունեմ, որ այդ ջանքերն իրենց ներդրումը կունենան հակամարտության արդար կարգավորման մեջ»,-ասվում է Ալիևի ուղերձում:
Ադրբեջանի նախագահը հերթական անգամ նշել է, որ պաշտոնական Բաքուն արցախյան հակամարտության կարգավորումը հնարավոր է համարում Ադրբեջանի «տարածքային ամբողջականության» շրջանակներում: