Աստանայում անցկացվել է Ղազախստանի պատմության մեջ ամենալայնածավալ զորահանդեսը։ Այս մասին հայտնում է NUR.kz պորտալը։
Այն նվիրված է եղել հանրապետության զինված ուժերի ստեղծման 25-ամյակին։
Անկախության հրապարակով երթով անցել են ավելի քան 5000 զինծառայողներ, բացի այդ, հանդիսատեսին ցուցադրվել է 400 միավոր ռազմական տեխնիկա։
Զորահանդեսի հյուրերի ու մասնակիցների առջև ելույթ է ունեցել Նուրսուլթան Նազարբաևը, ով հայտարարել է, որ իր երկիրը թշնամիներ չունի երկրագնդի ոչ մի կետում։ «Ղազախական բանակը պետք է ձեռքը պահի ժամանակի զարկերակի վրա և պատրաստ լինի արժանի հակահարված տալու ցանկացած սպառնալիքի, որտեղից էլ այն գա»,-նշել է պետության ղեկավարը։
Ղազախստանի նախագահը շնորհավորել է վետերաններին Հայրենական մեծ պատերազմում տարած հաղթանակի 72-ամյակի կապակցությամբ։