Վերջին տարիներին բազմիցս խոսվել է այն մասին, որ Հայաստանում ներդրումների դաշտը, ներդրումներ անելը գրավիչ չէ: Մի կողմից՝ կա անվտանգության խնդիր, մյուս կողմից՝ դատական համակարգը այնքան էլ առողջ չէ, որպեսզի օտարերկրյա կամ սփյուռքահայ ներդրողները Հայաստանում ներդրում անեն: «Առաջին լրատվական»- ի հետ զրույցում անդրադառնալով այս դիտարկմանը՝ «Շնայդեր էլեկտրիկ» ընկերության Հայաստանի ներկայացուցչության տնօրեն Ավետիք Քալանթարյանը նշեց, որ իրենց ընկերությունը ներդրումներ կատարելուց առաջ խորությամբ ուսումնասիրել է ներդրումային օրենսդրությունը և ներդրումային դաշտն ընդհանրապես:
Նրա խոսքով՝ չկա որևէ շուկա, որտեղ ռիսկեր, դժվարություններ չկան, որոնք հատուկ են տվյալ տարածաշրջանին, և Հայաստանն այդ առումով բացառություն չէ:
Սակայն, այդուհանդերձ, Քալանթարյանի կարծիքով՝ բիզնես սկսելու տեսակետից բավական պարարտ հող կա Հայաստանում. «Գրավչությունը հենց այն է, որ տնտեսական, ֆինանսական և բիզնես դաշտը առողջ վիճակում են, և կարելի է այստեղ գալ, ներդրումներ իրականացնել»:
«Նորահայտ շուկա է, որտեղ կա՛մ չկան, կա՛մ շատ սակավ են, օրինակ, «Շնայդեր էլեկտրիկ» ընկերության սարքավորումները: Այս տեսակետից մուտքը դեպի նոր շուկա նպատակային է: Կան հայկական ընկերություններ, որոնց հետ մենք ձևավորում ենք գործընկերային հարաբերություններ»: Գործարարի դիտարկմամբ՝ մտահոգիչ է նախևառաջ այն, որ շուկայում առկա են անհայտ ծագման անհայտ կառուցվածքով սարքավորումներ, որոնք կեղծված ապրանքներ են և, որպես կանոն, էժան են ու անորակ:
Մանրամասները՝ տեսանյութում: