Շիրակի մարզում այսօր՝ մայիսի 6-ին խոշոր վթար է տեղի ունեցել: Ժամը 18:00-ի սահմաններում Գյումրու Շեդրինի 1 հասցեում իրար են բախվել ՎԱԶ 2109 և BMW մակնիշների մեքենաները:
Shamshyan.com–ի փոխանցմամբ՝ փրկարարները հատուկ տեխնիկայի միջոցով ՎԱԶ 2109 մեքենայից դուրս են բերել 22-ամյա Գալուստ Մկրտչյանին և 23-ամյա Ավետիք Սահակյանին: Մինչ փրկարարների ժամանումը Գյումրիի շտապօգնության ծառայության բժիշկներն էլ քաղաքի բուժկենտրոն են տեղափոխել 19-ամյա Սերգեյ Գևորգյանին, 17-ամյա Էդգար Սահակյանին, 17-ամյա Տաճատ Սահակյանին: BMW-ի վարորդը, մեքենայի վրայից հանելով համարանիշերը, դեպքի վայրից փախուստի է դիմել: Որոշ ականատեսներ էլ պնդել են, որ մեքենան առանց համարանիշի է երթևեկել:
Աղբյուրի փոխանցմամբ՝ վիրավորներից 3-ի վիճակը ծայրահեղ ծանր է: Իրավապահները փորձում են պարզել BMW-ի վարորդի ինքնությունը: