«Բաց Ռուսաստան» հասարակական շարժման առաջնորդ Վլադիմիր Կարա-Մուրզան, որը երկու անգամ քիչ էր մնում մահանար առեղծվածային պայմաններում, Նյու Յորքում հարցազրույց է տվել գերմանական Bild պարբերականին: Ռուս այլախոհը հավատացած է, որ «օդում կախված է ռուսական գարուն, որի ժամանակ երիտասարդ սերունդը կարող է տապալել Պուտինի իշխանությունը»:
«Ռուսաստանի կոռումպացված և ավտոկրատ ռեժիմն ապագա չունի»,-հավատացած է Կարա-Մուրզան:
Նա հիշեցրել է մարտի սկզբին Ռուսաստանի մի շարք քաղաքներում տեղի ունեցած ցույցերի մասին, որոնք ամենախոշորն էին Խորհրդային միության փլուզումից հետո: Ցույցերի մասնակիցների մեծ մասը երիտասարդներ էին: «Դա այն սերունդն է, որը մեծացել է Պուտինի օրոք և ոչ մեկի չգիտի բացի նրանից»,-ասել է ընդդիմադիր գործիչը՝ հավելելով, որի երիտասարդությունը հոգնել է:
Կարա-Մուրզայի խոսքով՝ մեծ դեր է խաղում նաև կոռուպցիան: «Պուտինի ընկերները միլիարդատեր մարդիկ են, որոնք գողանում են սովորական քաղաքացիների փողերը: Ռուսաստանում ամեն օր տեղի է ունենում մարդու իրավունքների ոտնահարում»,-փաստել է նա:
Նա նաև ուշադրություն է հրավիրել այն հանգամանքի վրա, որ Ռուսաստանի սահմաններից դուրս շատ հաճախ կարելի է լսել, որ Պուտինը մեծ ժողովրդավարություն ունի, նրա վարկանիշը կազմում է 86 տոկոս «Բայց այդ սուտը բացահայտում են հենց ռուսական իշխանությունները: Եթե նա իրոք այդքան ժողովրդավարություն ունի, ինչո՞ւ է հետապնդում ընդդիմությանը: Ինչո՞ւ են իշխանությունները կեղծում ընտրությունները»,-հարցադրում է Կարա-Մուրզան:
Նրա խոսքով՝ մարդիկ ցանկանում են իրենք ընտրել իրենց ներկայացուցիչներին, ինչպես դա տեղի է ունենում եվրոպական ցանկացած երկրում: «Ինչ վերաբերում է Պուտինի հարստությանը, ապա նրա ունեցվածքի մասին քիչ բան է հայտնի: Նա թաքցնում է այն, այդ թվում այլ անունների ներքո: Նախկինում նրա կարողությունը գնահատվում էր 200 միլիարդ դոլար: Եթե դա այդպես է, նա աշխարհի ամենահարուստ մարդն է»,-հավելել է Կարա-Մուրզան:
