Սպառազինությունների ռուսաստանյան հատուկ արտահանող «ՌոսօբորոնԷքսպորտ» ընկերությունը (մտնում Է «Ռոստեխ» պետական կորպորացիայի մեջ) թուրք գործընկերների հետ քննարկում է զենքի հեռանկարային նմուշերի ստեղծման մի շարք նախագծեր: Ինչպես հաղորդում է TASS գործակալությունը, այս մասին հայտնել Է ընկերության մարկետինգային գործունեության դեպարտամենտի պետի տեղակալ Վլադիմիր Գոնչարովը:
«Թուրքիայի Հանրապետության ազգային պաշտպանության նախարարությունը հետաքրքրվում Է ռազմական նշանակության լայն ընդգրկման արտադրանքով, մասնավորապես, տարբեր հեռահարության ռուսական հակաօդային պաշտպանության համակարգերով: Բացի այդ, մենք տեխնոլոգիական գործընկերության մի շարք նախագծեր ենք քննարկում զենքի հեռանկարային տեսակների համատեղ մշակումների և արտադրության բնագավառում»,- Գոնչարովի խոսքը մեջբերում Է ընկերության մամուլի ծառայությունը:
Նա հավելել Է, որ «ՌոսօբորոնԷքսպորտը» 2016 թվականի վերջից թուրք գործընկերների հետ ակտիվորեն խորհրդակցություններ է վարում սպառազինությունների և ռազմական տեխնիկայի մատակարարումների շուրջ:
