Բրիտանական Metro պարբերականն անդրադարձել է «Եվրատեսիլ» երգի մրցույթում Հայաստանի մասնակից Արծվիկ Հարությունյանին: Պարբերականի փոխանցմամբ՝ Արծվիկը՝ Fly with me երգով, բոլոր հնարավորություններն ունի հաղթելու «Եվրատեսիլ»-ի կիսաեզրափակիչում, որը տեղի է ունենալու հաջորդ երեքշաբթի:
Նշենք, որ Հայաստանի պատվիրակությունը մեկնել է Կիև, որտեղ տեղի է ունեցել համերգային 1-ին փորձը:
«Fly with me-ն ունի էթնիկ թմբուկային ռիթմ և հայկական վիբրացիա: Երգը սկսվում է դանդաղ՝ ավարտվելով խելահեղ ռիթմով, ուղեկցվում է ժամանակակից պարողների բեմադրությամբ և դրամատիկ ելքով»,- գրում է հոդվածագիրը՝ նշելով, որ Արծվիկը վոկալի տեսանկյունից շատ ուժեղ մասնակից է:
Պարբերականը հիշեցնում է, որ չնայած հայկական մեծաքանակ սփյուռքին՝ երգի մրցույթում Հայաստանի գրանցած լավագույն արդյունքը չորրորդ հորիզոնականն է: Անդրադառնալով Կիևում տեղի ունեցած փորձին՝ պարբերականը գրում է, որ Արծվիկը չի կրել էթնիկ գլխարկ, ինչպես երգի հոլովակում, բայց դրանից բեմադրությունը չի տուժել:
Մայիսի 9-ին Կիևում կկայանա մրցույթի առաջին կիսաեզրափակիչ փուլը, որի ժամանակ 16-րդ համարի ներքո ելույթ կունենա նաևՀայաստանի ներկայացուցիչ Արծվիկը: Նշենք, որ Wiwibloggs կայքում քվեարկություն է ընթանում փորձնական ելույթներից հետո, որի արդյունքներով Արծվիկն առաջատար է
