Մեծ Բրիտանիայի մոտ 300 քաղաքացիներ գտնվում են Սիրիայի և Իրաքի տարածքում՝ ԴԱԻՇ ահաբեկչական խմբավորման շարքերում։ Այս մասին հայտնում է Telegraph պարբերականը։
Ինչպես հայտնել է Թուրքիայում ձերբակալված բրիտանացի Ստեֆան Արիստիդուն, բրիտանացիների մեծ մասը հետևակայիններ չեն, նրանք պատասխանատու են ԶԼՄ-ների և խմբավորման քարոզչության համար, նրանք բարձր պաշտոններ են զբաղեցնում։
Ինչպես գրում է պարբերականը՝ Արիստիդուն անձամբ Մեծ Բրիտանիայից սիրելիի հետ հեռացել է 2015 թվականին և ցանկացել ապրել Սիրիայում շարիաթի օրենքներով։ Այժմ նա կարծում է, որ կյանքը ջիհադիստների հետ նման է բանտային կյանքին։ Ներկայում նա գտնվում է Թուրքիայում, սակայն Մեծ Բրիտանիային արտահանձնելու դեպքում նրան ցմահ ազատազրկում է սպառնում։
Թերթի տվյալներով՝ մոտ 850-1000 բրիտանացիներ են միացել ԴԱԻՇ-ի և այլ խմբավորումների շարքերին։ Մոտ կեսը վերադարձել է հայրենիք, ավելի քան 100-ը համարվում են զոհված։