Facebook սոցցանցի տեսահարթակը թթխմորի պես աճում է։ Իհարկե, այդ աճը մասամբ հանդիսանում է կոնտենտի գողության հետևանք։ Շատ օգտատերեր պարզապես ներբեռնում են տեղանյութերը, այնուհետև սոցցանցերում տեղադրում դրանք արդեն իրենց անունից։ Այս մասին հայտնում է igate.com.ua-ն։
2015 թվականին Facebook-ն արդեն ներկայացրել էր տեսանյութերի համեմատման համակարգ, որը որոշ դեպքերում օգնել է ի հայտ բերել և վերացնել գողացված հոլովակը հեղինակի հայցով։ Այժմ համակարգը փոքր-ինչ հեռուն կգնա։ Այն թույլ կտա հեղինակներին օգուտ ստանալ նույնիսկ գողացված տեսանյութերից։
Հենց համակարգն արդեն գոյություն ունեցող հոլովակի նման տեսանյութերի բեռնում հայտնաբերի, այն կնախազգուշացնի այդ մասին տեսանյութի առաջնային հեղինակին։ Հեղինակը կորոշի՝ պե՞տք է արդյոք այն անհապաղ արգելափակել։ Ավելին, եթե գողացված տեսանյութին գովազդ է միացված, հեղինակը կարող է շահույթ ստանալ հոլովակի պատճենից ճիշտ այնպես, ինչպես իրենից։