ԱՄՆ պետքարտուղար Ռեքս Թիլերսոնը Նյու-Յորքում հանդիպել է Ղազախստանի ԱԳՆ ղեկավար Քայրաթ Աբդրահմանովի հետ, կողմերը քննարկել են իրավիճակը Սիրիայում և Աֆղանստանում, նաև երկկողմ հարաբերությունների զարգացումը: Այս մաին հայտնում է ղազախական «Խաբար 24» հեռուստաալիքը:
Հաղորդվում է, որ կողմերը քննարկել են ռազմավարական ամերիկա-ղազախական համագործակցության գործնական իրականացման հարցեր, այդ թվում՝ առևտրատնտեսական ոլորտում:
«Ղազախստանն առանձնակի նշանակություն է տալիս ԱՄՆ-ի հետ գործընկերության զարգացմանը և մտադիր է սերտորեն փոխգործակցել նոր վարչակազմի հետ»,- ասել է Աբդրահմանովը:
«Կողմերը նաև կարծիքներ են փոխանակել Սիրիայում, Աֆղանստանում, Իրանի միջուկային ծրագրի, Կորեական թերակղզում իրավիճակի վերաբերյալ»,- հայտնում է հեռուստաալիքը: