Կուբայի հեղափոխական զինված ուժերի նախարարությունը հայտնել է Aerogaviota ավիաընկերության Ան-26 ինքնաթիռի կործանման և օդանավում եղած 8 մարդու զոհվելու մասին: Այս մասին տեղեկացնում է RIA Novosti-ն:
«Շաբաթ, ապրիլի 29-ի առավոտյան տխուր իրադարձություն է տեղի ունեցել, երբ հեղափոխական զինված ուժերին պատկանող և առավոտյան 6.38-ին Բաուտա համայնքի Պլայա Բարակոա օդանավակայանից մեկնած Ան-26 ինքնաթիռը մխրճվել է գետնի մեջ Արտեմիսա նահանգի Կանդելարիա համայնքի Լոմա-դե-լա-Պիմյենտա շրջանում»,- ասվում է նախարարության հայտարարության մեջ:
Վթարի հետևանքով զոհվել է օդանավում եղած 8 զինծառայող, ներառյալ՝ անձնակազմի անդամները, նշում է գերատեսչությունը: «Ներկայումս հեղափոխական զինված ուժերի նախարարության հանձնաժողովը հետաքննում է պատահարի պատճառները»,- ասվում է հայտարարության մեջ: