Այն մասին, որ Ջենիֆեր Էնիսթոնն իր ամուսնուն խանդում է գործընկերների հանդեպ, վաղուց էին շշուկներ շրջանառվում: Սակայն ամերիկյան ԶԼՄ-ների տեղեկությամբ՝ հիմա իրավիճակը սրվել է: Ջասթին Թերուն մասնակցում է «Լեգո Նինձյագո» մուլտֆիլմի ձայնադրմանը, որտեղ աշխատում է երիտասարդ դերասանուհի Օլիվիա Մաննի հետ: Ներքին աղբյուրների խոսքով՝ Ջենիֆերին շատ է նյարդայնացնում, որ ամուսինը մշտապես ասում է, թե Օլիվիան իրեն ինչքան է դուր գալիս: Այս մասին հայտնում է Star Magazine ամսագիրը՝ հղում անելով զույգին մոտ աղբյուրին:
«Ջենիֆերը վերջերս Օլիվիայի հետ նկարահանվում էր «Ամանորյա կորպորատիվ» ֆիլմում, այնպես որ, Ջասթինի կինն արդեն հնարավորություն ունեցել է գնահատելու պոտենցիալ մրցակցուհուն: Նրան շատ կասկածելի է թվում, որ ամուսինն այդքան ընկերացել է Մաննի հետ, առավելևս, որ նոր մուլտֆիլմը Օլիվիայի և Ջասթինի համատեղ առաջին նախագիծը չէ»,- պատմել է աղբյուրը:
Ջենիֆերը կասկածում է, որ Ջասթինն իրեն դավաճանել է երիտասարդ դերասանուհու հետ: Էնիսթոնը նաև իր փաստաբանի հետ խորհրդակցել է բաժանության հարցի շուրջ:
