Մեծ Բրիտանիայի դուրս գալու շուրջ բանակցությունների առաջին առաջնահերթությունը կլինի ԵՄ և Brexit-ի հետ կապ ունեցող երկրների քաղաքացիների իրավունքների պահպանումը: Այս մասին հայտնում է RIA Novosti-ն՝ վկայակոչելով միության կազմից Մեծ Բրիտանիայի դուրս գալու հարցով բանակցությունների մեկնարկի համար շաբաթ օրն ընդունված միության ռազմավարությունը:
ԵՄ և Մեծ Բրիտանիայի քաղաքացիների և նրանց ընտանիքների «կարգավիճակի և իրավունքների պաշտպանության հետ կապված փոխադարձ երաշխիքների» համաձայնեցումը, որոնց վերաբերում է Brexit-ը, «Brexit-ի շուրջ բանակցությունների առաջին առաջնահերթությունը կլինի», ասվում է հաղորդագրության մեջ:
Այդպիսի երաշխիքները պետք է ԵՄ համապատասխան երկրում կամ Մեծ Բրիտանիայում 5 տարվա անընդմեջ և օրինական կեցությունից հետո բնակության մշտական թույլտվություն ստանալու հնարավորություն տան, հետևում է փաստաթղթից:
«ԵՄ ցանկացած երկրում ապրելու, աշխատելու և կրթություն ստանալու ԵՄ յուրաքանչյուր քաղաքացու, ինչպես նաև նրա ընտանիքի անդամների իրավունքը ԵՄ հիմնարար ասպեկտն է: ԵՄ օրենսդրության շրջանակներում մյուս իրավունքներին հավասար դա ձևավորել է միլիոնավոր մարդկանց կյանքը և ընտրությունը»,- ասվում է փաստաթղթում: