Եվրամիության և Մեծ Բրիտանիայի ապագա հարաբերությունների մասին համաձայնագիր կնքել հնարավոր կլնինի միայն ԵՄ-ից երկրի դուրս գալուց հետո, ասված է «բաժանման» մասին բանակցություններ վարելու հրահանգներում, որը հավանություն է ստացել ԵՄ 27 երկրների առաջնորդների գագաթնաժողովում (առանց Բրիտանիայի) շաբաթ օրը:
«Միության և Մեծ Բրիտանիայի ապագա հարաբերությունների մասին պայմանավորվածություններ կարող են կնքվել միայն այն բանից հետո, երբ Մեծ Բրիտանիան կդառնա երրորդ երկիր»,- ասված է փաստաթղթում:
Սակայն Լիսաբոնյան պայմանագրի 50-րդ հոդվածը, որի շրջանակներում պետք է տեղի ունենա Brexit-ը, պահանջում է հաշվի առնել ապագա հարաբերությունների կառուցվածքը նրանց միջև միությունից երկրի դուրս գալու համաձայնագրերում, վկայում է փաստաթուղթը: Այդ պատճառով ապագա հարաբերությունների կառուցվածքի մասին փոխհամաձայնությունը պետք է լինի Brexit-ի բանակցությունների ժամանակ:
Ընդ որում Եվրամիությունը այդ բանակցություններին կմասնակցի որպես մեկ կողմ:
«ԵՄ կազմից Միացյալ Թագավորության դուրս գալու վերաբերյալ առանձին պետությունների և Մեծ Բրիտանիայի միջև առանձին բանակցություններ չի լինի»,- նշված է փաստաթղթում: