Հայտնի երգչուհի Ուիթնի Հյուսթոնի և նրա ասիստենտ Ռոբին Քրոուֆորդի սիրավեպի մասին շշուկներ տարածվել էին դեռևս երգչուհու մահից առաջ 2009 թ., հիմա դրանք նորից շրջանառվում են: Չորեքշաբթի տեղի է ունեցել «Ուիթնի. կարո՞ղ եմ լինել ինչպիսին կամ» («Whitney: Can I Be Me») փաստագրական ֆիլմի պրեմիերան, որը պատմում է իր լավագույն ընկերուհու և ասիստենտի հետ երգչուհու հարաբերությունների մասին՝ ակնարկելով, որ զույգն ավելին է եղել, քան ընկերները: Այս մասին գրում է radaronline.com-ը:
«Չեմ կարծում, որ նա լեսբուհի էր, կարծում եմ՝ նա բիսեքսուալ էր: Ռոբինի հետ հարաբերություններում նա գտավ այն հանգստությունը, որը չէր կարողանում գտնել տղամարդկանց հետ»,- ֆիլմում պատմում է ոճաբան Էլլին Լավարը:
Ուիթնիի նախկին ամուսնուն և դստեր հորը՝ Բոբբի Բրաունին ֆիլմը դուր չի եկել և հորինվածք է թվացել, բայց Հյուսթոնին մոտ ներքին աղբյուրները հասկանում են ֆիլմի նկատմամբ նրա վերաբերմունքը: «Ռոբինը և Ոիթնին երկվորյակների նման էին: Նրանք անբաժան էին և նույնիսկ Բոբբին չկարողացավ ազդել նրանց ընկերության վրա և հեռացնել Ռոբինին: Նա ուզում էր առաջին ջութակը լինել Ուիթնիի և իր հարաբերություններում, բայց դա այդպես էլ տեղի չունեցավ»,- ասել է Քևին Ամմոնսը, ով աշխատել է երգչուհու անվտանգության ծառայությունում:
«Բոբբի Բրաունը և Ռոբին Քրոուֆորդը կրակի և սառույցի պես էին, նրանք ատում էին իրար, իրար դեմ պայքարում էին Ուիթնիի սիրո և ուշադրության համար, և Բոբբին ոչ միշտ էր հաղթում»,- հիշում է Ուիթնիի թիկնապահ Դևիդ Ռոբերթսը:
Երբ Ռոբինը 2000 թ. անհետացավ Հյուսթոնի կյանքից, երգչուհու կյանքն անկում ապրեց: «Նա միակ մարդն էր, ով կարող էր փրկել Ուիթնիին: Հյուսթոնի համար Ռոբինի հեռանալը ճակատագրական եղավ»,- պատմում է Ռոբերթսը: