ԱՄՆ նախագահ Դոնալդ Թրամփը կարծում է, որ ըստ ամենայնի, կվերընտրվի նախագահական երկրորդ ժամկետում։ Այս մասին Սպիտակ տան ղեկավարը հայտարարել է Fox News հեռուստաալիքի հետ հարցազրույցում։
«Հուսով եմ, մեզ մոտ գործերն այնքան լավ կընթանան, որ ես կկարողանամ հեշտությամբ վերընտրվել և վայելել մեր ձեռքբերման պտուղները։ Հավանաբար դրա համար փոքր-ինչ ավելի ժամանակ կպահանջվի։ Սակայն կարծում եմ՝ մեզ մոտ ամեն ինչ պարզապես հիանալի է, չգիտեմ՝ հաջողվե՞լ է որևէ մեկին այդքան շատ բան անել 100 օրվա ընթացքում»,-ասել է հանրապետականը։
Խոսելով այն մասին, թե ինչպես է փոխվել նրա կյանքը պաշտոնավորումից հետո, Թրամփը պատասխանել է. «Փոքր-ինչ անձնական կյանք ունեի, այժմ ես դա ընդհանրապես չունեմ»։