Ղրղզստանում 10 բնակելի տներ սողանքի հետևանքով ծածվել են փլուզված հողային զանգվածով։ Այս մասին RIA Novosti-ին հայտնել է հանրապետության ԱԻՆ մամլո ծառայության ներկայացուցիչը։
Սողանքը գրանցվել է այսօր առավոտյան, Օշ մարզի Այուու գյուղում։ Սողանքով ծածկված տներում ապրում է 24 մարդ։ ԱԻՆ-ի նախնական տվյալներով՝ զոհվել է 4 մարդ։
Դեպքի վայրում մոտ 100 փրկարար է աշխատում։
Հանրապետության նախագահ Ալմազբեկ Ատամբաևը հանձնարարել է օգնություն ցուցաբերել աղետի հետևանքով տուժածներին։
Ինչպես հայտնել է ԱԻՆ-ը, այդ տների տերերին մարտին նախազգուշացում է արվել անվտանգ վայրեր տեղափոխվելու անհրաժեշտության մասին։