«Քաղաքապետարանը չպետք է թաղամասը վերակառուցի և քաղաքապետարանին գումար անհրաժեշտ չի, մենք է պետք է հնարավորություն ստեղծենք, մասնավոր ներդնողների միջոցով դա իրականացնենք: Սա խորհրդային տարիները չեն, որ պետությունը թաղամասեր կառուցի: Մասնավոր ընկերություններին պետք է բոլոր հնարավորությունները տալ: Մենք ունենք թաղամասեր կառուցած՝ հենց մասնավոր ներդնբողների միջոցով: Դա քաղաքապետարանի միջոցներով չի իրականացվում»,-ասաց նա: Այս մասին այսօր` ապրիլի 28-ին, Կենտրոն վարչական շրջանում, նախընտրական քարոզարշավի ժամանակ հայտարարել է Երևանի քաղաքապետ, քաղաքապետի թեկնածու Տարոն Մարգարյանը:
Տարոն Մարգարյանին մոտեցավ մի կին, բռնեց նրա ձեռքը և ասաց, որ «մասսայական հայտարարում է» այն մասին, որ սիրում է նրան. «Ես սիրում եմ, ընտրում եմ: Ես սա կասեմ մասսայական, որ ընտրելու եմ Ձեզ, իսկ Ավագանի` Արմեն Սահակյանին: Սիրում եմ, հարգում եմ, շատ տեղ եմ տալիս իմ կյանքում Ձեզ»:
Տարոն Մարգարյանի խոսքով՝ մեկնարկել է «Հին Երևան» ծրագրը. «Սկսվել են հողային աշխատանքները, մոտ ժամանակներս ներդրողի մասին կհայտարարվի: Աշխատանքները դեռևս մեծ տեմպով չեն ընթանում, բայց մոտ ժամանակներս կտեսնենք, թե ինչ աշխատանքներ են իրականացվում»:
Մանրամասները՝ տեսանյութում: