Քաղաքապետի թեկնածու, ներկայիս քաղաքապետ Տարոն Մարգարյանի գլխավորությամբ՝ ՀՀԿ մի խումբ անդամներ, այդ թվում նաև քաղաքապետի առաջին տեղակալ Կամո Արեյանը Կենտրոն համայնքում:
«Ծրագիրը, որը կազմել է մեր թիմը, չափելի է, կշռելի և իրատեսական ու իրագործելի: Չկա ոլորտ, ուղղություն , որը ներառված չլինի մեր ծրագրում, որովհետև ծրագիրը ձևավորվել է ոչ թե ցանկությունների վրա, այլ տեսել ենք խնդիրը, գիտենք մեկնակետը և կարող ենք իրագործել այդ խնդիրը: Գիտենք նաև մի շարք կարևոր բան, այն է, թե որն է առավել կենսականորեն անհրաժեշտ երևանցուն, թեպետ կարևոր ու անկարևոր խնդիրներ չկան»,- ասաց Կ. Արեյանը:
Փոխքաղաքապետն ընդգծեց, որ առաջնային լուծվելու են այն խնդիրները, որոնք կենսական նշանակություն ունեն Երևանի համար, որոնց հետ ամեն օր բախվում են քաղաքացիները: Նա հորդորեց վստահել իրենց թիմին, քանի որ, ըստ նրա, իրենց ծրագրի հիմքում կա արդեն իսկ արված գործ:
Մանրամասները՝ տեսանյութում: