Լոնդոնի և Նյու Յորքի բորսաներում էլեկտրոնային առևտրի ընթացքում նավթի համաշխարհային գները աճում են: Այս մասին հայտնում է gazeta.ru-ն՝ վկայակոչելով առևտրի տվյալները:
WTI տեսակի նավթի հունիսի մատակարարումների ֆյուչերսային գործարքների գինը Նյու Յորքի ապրանքային բորսայում (NYMEX) աճել է 1.10%-ով՝ մինչև 49.51 դոլար մեկ բարելի դիմաց:
Լոնդոնի ICE Futures բորսայում Brent ապրանքանիշի հունիսի մատակարարումների ֆյուչերսների գինը աճել է 1.03%-ով՝ մինչև 51.97 դոլար՝ մեկ բարելի դիմաց:
Նշենք, որ նախօրեին Brent տեսակի նավթի գինը նվազել էր 51 դոլարից:
