Ասադի ռեժիմը դեռևս 100 տարի առաջ արգելված զենքով սպանում է իր իսկ քաղաքացիներին: Այս մասին BBC-ին տված հարցազրույցում հայտարարել է Մեծ Բրիտանիայի ԱԳ նախարար Բորիս Ջոնսոնը:
Նրա խոսքով՝ Միացյալ Թագավորության համար շատ բարդ կլինի մերժել ԱՄՆ-ին, եթե վերջինս օգնություն խնդրի Սիրիայի կառավարական բանակին նոր հարված հասցնելու համար: Նա նաև նշել է, որ Սիրիայում Մեծ Բրիտանիայի և ԱՄՆ-ի զինված ուժերի համատեղ գործողության համար բրիտանական կառավարությանը պարտադիր չէ ստանալ խորհրդարանի աջակցությունը:
«Եթե նրանք օգնություն խնդրեն, իմ կարծիքով, ես գիտեմ նաև, որ դա վարչապետի տեսակետն է, մեզ համար դժվար կլինի «ոչ» ասել»,-ասել է Ջոնսոնը: