«Հայկական ժամանակ» թերթը գրում է. «Երեկ Երևանի ավագանու ընտրությունների քարոզչության շրջանակներում «Ելք» դաշինքի անդամները` քաղաքապետի թեկնածու Նիկոլ Փաշինյանի գլխավորությամբ Չարբախում էին, որտեղ բաժանում էին իրենց բուկլետները, շփվում քաղաքացիների հետ, անցնում էին բակերով` բարձրախոսով հնչեցնելով նախընտրական կոչերը:
Ըստ մեր տեղեկությունների, Չարբախի բնակիչներից մի կին, տեսնելով Նիկոլ Փաշինյանին, հայտարարել է, որ նա հայտնի երգիչ է, ուստի ինքը առաջիկա ընտրություններում իր ձայնը տալու է նրան:
Չի բացառվում, որ Նիկոլ Փաշինյանը Երևանի բնակչուհու մտքում հայտնի երգչի հետ է ասոցացվում «Էրեբունի Երևան» երգի բազմաթիվ կատարումներից հետո»:
Մանրամասները՝ թերթի այսօրվա համարում:
