ԵԽԽՎ-ի նախագահ Պեդրո Ագրամունտը կհայտարարի իր հրաժարականի մասին այն բանից հետո, երբ Իսպանիայի նախագահը կայցելի վեհաժողով: Նա լիազորությունները վայր դնելու մասին դիմումը կներկայացնի մայիսի 29-ին: Այս մասին հաղորդում է www.eurointegration.com.ua կայքը՝ վկայակոչելով իր աղբյուրներին:
Մարտին Ագրամունտը Ռուսաստանի պատվիրակության հետ այցելել է Սիրիա, որտեղ հանդիպել է երկրի նախագահ Բաշար Ալ-Ասադի հետ: ԵԽԽՎ-ի անդամները դատապարտել են այցը և հատուկ լսումներ նշանակել, իսկ Ուկրաինան պահանջել է Ագրամունտի հրաժարականը:
Պարբերականի տվյալներով՝ Ագրամունտը պատրաստ է լքել պաշտոնը պայմանով, եթե իրեն թույլ տան նախագահի պաշտոնին մնալ ընդհուպ մինչև Իսպանիայի թագավոր Ֆիլիպ 6-րդի ելույթը, որը նախատեսված է ապրիլի 27-ին: Քաղաքական խմբավորումների ղեկավարները խոստացել են կատարել նրա այս պայմանը՝ ինքնակամ հրաժարականի դիմաց: