Թուրքիայի նախագահ Ռեջեփ Էրդողանը Reuters գործակալությանը հայտնել է, որ Անկարան կարող է վերանայել իր դիրքորոշումը ԵՄ անդամակցության հարցում, եթե երկրին հարկ լինի էլ ավելի երկար սպասել այդ հարցի որոշմանը, ինչպես նաև, եթե պահպանվի որոշ ԵՄ անդամ-երկների ներկա թշնամական տրամադրությունը:
«Եթե նրանք չգործեն արդար, ապա մենք ստիպված ելք կփնտրենք: Ինչու մենք պետք է սպասենք ավելի շատ: Խոսքը գնում է 54 տարիների մասին: Մեծ Բրիտանիան հարցրեց իր մարդկանց և նրանք քվեարկեցին Brexit-ին կողմ։ Նրանք շարժվում են դեպի նոր ապագա, նույնն է կատարվել Նովեգիայում, նույնը կարելի է կիրառել նաև Թուրքիայում»,- հայտարարել է Էրդողանը: Նա ավելացրել է, որ պատրաստ է երկրի ԵՄ անդամակցության հարցը մտցնել հանրաքվե:
«Մեկ կամ երկու երկիր չեն կարող պահպանել ԵՄ-ի կյանքը: Ձեզ անհրաժեշտ է այնպիսի երկիր ինչպես Թուրքիան է, ուրիշ երկիր, այլ հավատ խորհրդանշող, դա նրանց շատ ուժեղ կդարձնի: ԵՄ անդամ-երկրները թվում է չեն գիտակցում դա : Նրանց համար շատ դժվար է ընդունել մուսուլմանական երկիր, ինչպիսին Թուրքիան է»,- ավելացրել է Էրդողանը: