Լեգենդար թենիսիստուհի Սերենա Ուիլյամսը, որը անցած շաբաթ հայտարարել է Ալեքսիս Օհանյանից երեխա ունենալու մասին, քննադատել է ռումինացի իր մարզիչին: Ինչպես հաղորդում է BBC-ն, Իլի Նաստասեն ռասիստական մեկնաբանություն է արել նրա ապագա երեխայի վերաբերյալ:
70-ամյա Նաստասեն ուշադրություն է դարձրել 35-ամյա աֆրոամերիկանուհու և նրա փեսացուի՝ Reddit սոցցանցի հիմնադիր Ալեքսիս Օհանյանի մաշկի տարբերության վրա: Մարզիչը հարցադրում է արել՝ արդյոք նրանց երեխան «կաթնային շոկոլադի» գույն կունենա:
«Տխուր է ապրել հասարակությունում, որտեղ մարդիկ, ինչպես Իլիե Նաստասեն, կարող են նման ռասիստական մեկնաբանություններ անել: Բազմիցս ասել եմ, ևս մեկ անգամ կկրկնեմ, որ աշխարհը երկար ուղի է անցել, բայց ավելի շատ ճանապարհ ունի անցնելու… Ի տարբերություն ձեզ ես չեմ վախենում: Տեսնում եք՝ ես վախկոտ չեմ»,-գրել է նա Instagram-ում: