Թուրքիայի ԱԳՆ-ում հայտարարել են, որ Անկարան դատապարտում է Եվրոպայի խորհրդի խորհրդարանական վեհաժողովին, որը վճռել է վերսկսել մոնիթորիինգը Թուրքիայում: Ինչպես հաղորդում է Reuters գործակալությունը, պաշտոնական Անկարան ԵԽԽՎ-ի վճիռը որակել է որպես «անարդար որոշում»:
Նախարարությունում նշել են, որ Թուրքիան ստիպված է վերանայել հարաբերությունները կառույցի հետ: «Թուրքիայում մոնիթորինգը վերսկսլեու մասին որոշումը, որն ընդունվել է ԵԽԽՎ-ում վնասակար շրջանակների կողմից, վարկաբեկում է այդ մարմինը, որը գնահատում է իրեն որպես ժողովրդավարության օրրան»,-ասվում է թուրքական գերատեսչության հայտարարությունում:
Անկարայում հավելել են, որ ԵԽԽՎ-ն իր գործողություններով «Եվրոպայում տարածում է իսլամաֆոբիա և քսենոֆոբիա»:
