ԱՄՆ նախագահ Դոնալդ Թրամփը դրական պատկերացում ունի կանանց մասին, նա գիտի, որ կանայք կարող են նույնքան լավ աշխատել, որքան տղամարդիկ: Ինչպես հաղորդում է RIA Novosti-ն, այս մասին հայտարարել է Թրամփի դուստր Իվանկան Բեռլինում, որտեղ մասնակցում է «Կանանց քսանյակ» համաժողովին:
«Ես գիտեմ, երբ հայրս աշխատում էր մասնավոր սեկտորում, նա դրական պատկերացում ուներ կանանց մասին, նա գիտի, որ կանայք կարող են նույնքան լավ աշխատել, որքան տղամարդիկ… Որպես «համար մեկ դուստր» կարող եմ ասել, որ նա ինձ այնպես է մեծացրել, որպեսզի երբեք սահմանափակված չլինեմ, որպեսզի կարողանամ հասնել այն ամենին, ինչին ցանկանում եմ:
Ես կարողացել եմ գնալ այն ուղիով, որով ցանկացել եմ: Դա հեշտ չէր, նա է ապահովել մեզ այդ ամենը, նա տարբերություն չի դրել իմ և եղբորս միջև: Մենք տեսել ենք դա, երբ նա գործարար էր, և դուք կտեսնեք այդ ամենը նրանում՝ որպես նախագահ»,-ասել է նա:
Նշենք, որ Իվանկա Թրամփը մասնակցել է քննարկմանը, որը նվիրված է եղել գործարար կանանց: Հանդիպմանը մասնակցել է նաև Գերմանիայի կանցլեր Անգելա Մերկելը, Արժույթի միջազգային հիմնադրամի ղեկավար Քրիստին Լագարդը: