Երևանի քաղաքապետի թեկնածու Նիկոլ Փաշինյանը ֆեյսբուքյան ուղիղ եթերում դիմել է երևանցիներին՝ ասելով. «Վարչական առնվազն երկու շրջանի ղեկավարի պաշտոնում կնշանակեմ քաղաքացիների առաջարկած թեկնածուներից»:
«Գաղափարը հետևյալն է. ես ձեզ ուզում եմ կոչ անել, որ դուք Կենտրոն վարչական շրջանի ձեր թեկնածուներին առաջարկեք այս տեսանյութի տակ: Մենք անպայման կքննարկենք նրանց թեկնածությունները: Նման գործողության նպատակն է ցուցարել, որ մենք իսկապես ցանկանում ենք քաղաքում կլանային իշխանությունը փոխարինել ժողովրդավարական իշխանությամբ: Ամեն մի վարչական շրջանի համար կունենանք այսպիսի եթեր:
Ես կարող եմ նաև խոստանալ, որ այս գործընթացի ընթացքում առաջադրված լավագույն թեկնածուները, որոնք կհամապատասխանեն որոշակի պրոֆեսիոնալ չափանիշների, անպայման որևէ աշխատանք կստանան Երևանի քաղաքապետարանի համակարգում»,- նշում է Փաշինյանը:
Նրա խոսքով՝ Երևանի քաղաքապետարանի աշխատակազմը մոտ 2 հազար աշխատող ունի, որը շատ ուռճացված թիվ է, և պետք է օպտիմալացնել աշխատողների թիվը: «Մենք չենք պատրաստվում կուսականացնել Երևան քաղաքը»,- ընդգծում է Փաշինյանը՝ հավաստիացնելով, որ պատրաստվում են ձևավորել իսկապես ժողովրդական իշխանություն, որը հաշվետու է ժողովրդի առջև»:
Մանրամասները՝ տեսանյութում: