Երևանի տոնավաճառների աշխատակիցներն այսօր կրկին հավաքվել են Կառավարության շենքի դիմաց: Լրագրողների հետ զրույցում նրանք ասել են, որ նոր առաջարկներ ունեն Կառավարությանը: Նրանք 15 հոգանոց խումբ են կազմել և այսօր հանդիպելու են կառավարության ներկայացուցիչների հետ:
Աշխատակիցների առաջարկներից մեկն այն է, որ սահմանին մաքսերը վճարելուց հետո վճարեն ևս 1.5 տոկոս, որից հետո Հարկայինն իրենց ազատի թղթաբանությունից:
Հիշեցնենք, որ անցյալ շաբաթավերջին «Սուրմալու», «Փեթակ» և «Առինջ մոլ» առևտրի կենտրոնների աշխատակիցները բողոքի ակցիա էին իրականացրել կառավարության դիմաց՝ հայտարարելով, որ հարկային մարմինները ստուգումներ են իրականացնում իրենց տաղավարներում և հաճախորդներից պահանջում փաստաթղթեր: Առևտրականների վկայությամբ, ապրանքների փաստաթղթավորումը լրացուցիչ բեռ է, քանի որ պետք է նոր աշխատող ընդունեն, որն ի վիճակի կլինի կատարել այդ աշխատանքները: