Հաջողության համար մենք պետք է միանանք՝ և՛ Սփյուռքը, և՛ Հայաստանը: Այսօր Ծիծեռնակաբերդի հուշահամալիրում, լրագրողների հետ զրույցում, ասաց գործարար և բարերար Ռուբեն Վարդանյանը։
«Ես վստահ եմ, որ մենք որպես ազգ կարող ենք լինել հաջող, և հաջողությամբ կարող ենք հաղթել բոլոր դժվարությունները ։ Իրար հետ պետք է գործ անենք, որ Հայաստանը դառնա չքնաղ երկիր, և այդ զարգացումով և մեր հաջողությամբ ցույց տանք բոլորին՝ մեր հարևաններին, որ նրանց ուզածը չի ստացվել։ Մենք շարունակում ենք մեր լուման ներդնել աշխարհի զարգացման մեջ, անում ենք ամեն ինչ, որ աշխարհը, հիշելով ինչ-որ եղել է 102 տարի առաջ, նայելով մեզ՝ հասկանա, որ մենք ունենք պատմություն 3000 տարուց ավել և մենք այն ազգն ենք, որ աշխարհին շատ բան ենք տալիս և տալու ենք և շարունակելու ենք լինել օրինակ վերածննդյան շարունակության», – ասաց Վարդանյանը։
Հարցին, թե քննադատություններ կան, որ Հայաստանում մարդու իրավունքների ոլորտում խնդիրներ կան, իսկ մենք խոսում են ենք Ցեղասպանությունից, որքանո՞վ են պաշտպանված ՀՀ-ում մարդու իրավունքները, Ռուբեն Վարդանյանն ասաց, որ ինքը դրա մասնագետը չէ:
Ինչ վերաբերում է «Ավրորա» մրցանակաբաշխությանը, Ռուբեն Վարդանյանն ասաց, որ մրցանակաբաշխությունը մարդու արժանիքների մասին է, այլ ոչ թե իրավունքների:
Լուսանկարը՝ azatutyun.am-ի
