«Ազգային ճակատի» առաջնորդ Մարին Լե Պենը պատմական Է որակել Ֆրանսիայում կայացած նախագահական ընտրությունների առաջին փուլի արդյունքները: Այս մասին նա հայտարարել Է՝ ելույթ ունենալով Նոր Պա դի Կալեի դեպարտամենտի Էնեն Բոմոնում կայացած հանրահավաքում՝ ընդգծելով, որ ինքը հանրապետության նախագահի «ժողովրդական թեկնածուն Է»` հաղորդում է TASS գործակալությունը
«Դա պատմական արդյունք Է»,- ասել Է Լե Պենը: Այս փուլում իր արդյունքը նա համարում Է «ֆրանսիացիների առաջին քայլը դեպի Ելիսեյան պալատ»:
«Մենք գնում ենք նախագահական ընտրությունների երկրորդ փուլ»,- ասել Է Լե Պենը: «Դեպի Ելիսեյան պալատ ֆրանսիացիների ուղու առաջին փուլը հաղթահարված Է: Դա պատմական արդյունք Է, և այժմ ինձ վրա Է դրվում ֆրանսիական ազգի, նրա միասնության, նրա անվտանգության, նրա մշակույթի պաշտպանության վիթխարի պատասխանատվությունը»,- հայտարարել Է նա: Լը Պենը նաև երկրի քաղաքացիներին կոչ Է արել իրեն աջակցություն ցույց տալ ընտրությունների երկրորդ փուլում եւ քվեարկել «չվերահսկվող գլոբալացման» դեմ:
Նա քվեարկությունը, որի արդյունքները վկայում են «Ազգային ճակատին» ցուցաբերվող լայն աջակցության մասին, որակել Է բողոքի դրսեւորում «չպաշտպանված սահմանների, անազնիվ մրցակցության, ահաբեկիչների ազատ տեղաշարժի դեմ»:
