Մեծ Բրիտանիայի առաջիկա արտահերթ համընդհանուր ընտրություններում «Անկախության կուսակցությունը» (UKIP) ծրագրում է իր նախընտրտական ծրագրի կենտրոնական կետը դարձնել հանրային վայրերում մուսուլմաններին դեմքը լիովին փակելն արգելելու պահանջը։ Այս մասին հայտնում է BBC-ն։
Խոսքն ավանդական իսլամական հագուստի ու գլխաշորերի՝ հիջաբի, նիկաբի, բուրկայի, փարաջայի և չադրայի մասին է։
Ինչպես սպասվում է՝ UKIP-ի առաջնորդ Փոլ Նատոլն ապրիլի 24-ին կհրապարակի կուսակցության նոր նախընտրական ծրագիրը, որում կպարունակվի նաև Մեծ Բրիտանիայի տարածքում շարիաթի կանոնների արգելման առաջարկը։
Բացի այդ, կուսակցությունն առաջարկում է ընդունել օրենք, որը կպարտավորեցնի քաղաքացիներին անհապաղ հայտնել ոստիկանությանը կանանց թլպատման դեպքերի մասին, եթե նրանց հայտնի դառնա այդ մասին։
UKIP-ի նախկին առաջնորդ Նայջել Ֆարաջը 2010 թվականին արդեն առաջարկել է արգելել հիջաբը, սակայն աջակցություն չի գտել կուսակցության կողմից, որը չի ներառել այդ պահանջը 2015 թվականի ընտրությունների իր նախընտրական ծրագիր։
Կնոջ դեմքը լիովին փակող մուսուլմանական գլխաշորերի կրումն արգելված է Եվրոպայի որոշ երկրներում, ներառյալ Ֆրանսիայում, Բելգիայում և Բուլղարիայում։