Հայաստանի ԱԻՆ-ում, այսօր՝ ապրիլի 22-ին, ժամը 15:01-ին ահազանգ է ստացվել, որ Երեւան քաղաքի Սարի թաղի 18-րդ փողոցի տներից մեկի (կառուցված 1952 թ.) պատերին առաջացել են ճաքեր (1 տարուց ավելի է), առկա է փլուզման վտանգ. անհրաժեշտ է օգնություն:
Դեպքի վայր է մեկնել Ճգնաժամային կառավարման ազգային կենտրոնի օպերատիվ խումբը:
Պարզվել է, որ տան պատերին առկա են մոտ 0.1-3 սմ լայնությամբ եւ մոտ 0.2-3 մ երկարությամբ բազմաթիվ ճաքեր:
Ստացված տեղեկությունը փոխանցվել է Ճգնաժամային կառավարման ազգային կենտրոնում ԿԱ քաղաքաշինության պետական կոմիտեի ներկայացուցչին: