Աֆղանստանից Գերմանիա ժամանած մի քանի հազար միգրանտներ հայտարարել են, որ նախկինում «Թալիբան» արմատական շարժման անդամ են եղել կամ դրա հետ կապ են ունեցել: Այս մասին գրում է Spiegel ամսագիրը:
Պարբերականի հաղորդմամբ՝ Գերմանիայի միգրացիայի և փախստականների հարցերով դաշնային գերատեսչությունն այս տեղեկությունը փոխանցել է երկրի պետանվտանգության մարմիններին:
Փախստականները ներգաղթի հարցերով պաշտոնյաների հետ հարցազրույցներում հաճախ են հայտնում թալիբների հետ իրենց կապերի մասին, նշում է պարբերականը: Միգրանտները կարծում են, որ դա ապաստան ստանալու լավ հնարավորություն է տալիս. ենթադրվում է, որ Գերմանիայի իշխանությունները չեն արտաքսի «Թալիբանի» հետ կապ ունեցող անձին, քանի որ Աֆղանստանում նա մահապատժի կդատապարտվի:
Spiegel-ը գրում է, որ ներկայումս Գեմանիայի դատախազությունը հետաքննում է ավելի քան 70 այդպիսի դեպք: 7 աֆղանցի հետաքննչական մեկուսարանում է: