Օրինական մարիխուանայի ամերիկյան շուկայի ծավալը կազմում է մոտ 6 մլրդ դոլար, և եթե ԱՄՆ-ում դրա օրինականացման միտումը պահպանվի, ցուցանիշը 2026 թվականին կարող է հասնել տարեկան 50 մլրդ դոլարի։ Նման կանխատեսմամբ են հանդես եկել Cowen & Co-ի վերլուծաբանները՝ հայտնում է MarketWatch-ը։
Ներկայում ԱՄՆ բնակչության 21 տոկոսն ապրում է նահանգներում, որտեղ մարիխուանա ծխելը թույլատրված է օրենքով։
Համաձայն հարցումների՝ ամերիկացիների մոտ 60 տոկոսն աջակցում է երկրի ողջ տարածքում կանեփի լիովին օրինականացմանը։
Մարիխուանայի ռեկրեացիոն օգտագործումը լիովին օրինականցված է 8 նահանգներում և Կոլումբիայի շրջանում, 28 նահանգներում մարիխուանա կարելի է գնել բժշկական նպատակներով։
Մասնավորապես, Կոլորադո նահանգում, որտեղ մարիխուանան թույլատրվել է այլ վայրերից ավելի շուտ, վաճառքը 2016 թվականին աճել է 30 տոկոսով՝ հասնելով 1.3 մլրդ դոլարի։
Կանեփի աճեցմամբ և վաճառքով զբաղվող ձեռնարկություններից նահանգային բյուջե ստացվող հարկային վճարումները կազմել են 200 մլն դոլար։