Armas ընկերության Volcn de Tamasite նավը, որը ուղևորվում էր իսպանական Տեներիֆե կղզի՝ 140 ուղևորով, մխրճվել է ծովապատնեշի մեջ Լաս-Պալմաս-դե Գրան-Կանարիա քաղաքի նավահանգստից դուրս գալիս։ Այս մասին հայտնում է TASS գործակալությունը՝ հղում անելով իսպանական La Vanguardia թերթին։
Նշվում է, որ նավի էլեկտրական համակարգում անսարքություններ են ի հայտ եկել, ինչի պատճառով նավի անձնակազմը չի կարողացել կառավարել շարժիչները, հետևաբար անկառավարելի է դարձել նաև նավը։
Միջադեպի հետևանքով ոչ ոք լրջորեն չի տուժել, սակայն ծովապատնեշն ու նավը զգալի վնաս են կրել։
Նավի սեփականատեր հանդիսացող ընկերությունը բոլոր ուղևորներին ժամանակավորապես տեղավորել է ափի հարակից հյուրանոցներում։
Նավը շահագործման է հանձնվել 2004 թվականին, նախատեսված է 1500 ուղևորի համար։