Երևանի ավագանու ընտրությունները առաջին հերթին քաղաքական ընտրություններ են։ Այդ մասին այսօր՝ ապրիլի 21-ին Հյուսիսային պողոտայում հանրահավաքի ընթացքում ասել է «Հանրապետություն» կուսակցության քաղխորհրդի նախագահ Արամ Սարգսյանը։
Նրա խոսքով, եթե հաղթի «Ելք» դաշինքը, կունենանք երիտասարդ և եռանդուն քաղաքապետ ու թիմ։ «Նիկոլ Փաշինյանի նման քաղաքապետ ունենալու դեպքում Երևանի քաղաքապետարանում իսպառ վերացվելու է կոռուպցիան»,- վստահեցրեց Ա. Սարգսյանը:
«Մենք չենք հոգնել նախորդ քարոզարշավից, մենք ունենք թիմ, որը աշխատասեր է, մենք ամեն ինչ անելու ենք՝ հաղթանակի հասնելու համար։ Մենք եկել ենք ասելու՝ փոփոխությունները հնարավոր են»,- նշեց Արամ Սարգսյանը։
Մանրամասները՝ տեսանյութում:
