Դամասկոսը պատրաստ է խոսել բոլորի հետ, ով ազդեցություն ունի «երկրի վրա» և կարող է դադարեցնել սպանությունները Սիրիայում: Այդ ենթատեքստում Աստանայի բանակցությունները, որտեղ մասնակցում են զինյալների ներկայացուցիչները, ավելի արդյունավետ են, հարցազրույցի ժամանակ RIA Novosti-ին հայտարարել է Սիրիայի նախագահ Բաշար Ասադը:
«Եթե ես նստեմ որևէ մեկի հետ, ով ոչ մի ազդեցություն չունի տեղանքում, Սիրիայի իրականությունում, ինչի՞ համաձայնության մենք պետք է գանք: Դա պարզապես ժամանակի կորուստ է: Այդ պատճառով մենք այդ առումով շատ պրագմատիկ ենք, մենք ասում ենք. եկենք նստենք (բանակցությունների սեղանի մոտ) ցանկացածի հետ, ով կարող է իրադրությունը փոխել 2 ձևով: Առաջինը, դադարեցնել սպանությունները, դա ցանկացած սիրիացու առաջնահերթությունն է, ոչ պետության համար, յուրաքանչյուր սիրիացու համար»,- ասել է Ասադը:
Նրա խոսքերով` անվտանգությունը և կայունությունը Սիրիայի ապագայի թեմայով խոսակցության շարունակման գրավականն է:
«Դուք կարող եք խոսել ինչի մասին ուզում եք: Դուք կարող եք խոսել սահմանադրության, Սիրիայի ապագայի, այն քաղաքական համակարգի, որը ուզում եք, տնտեսական համակարգի, ինչի մասին ուզում եք, ինչը կլինի կենսունակ: Դա բարդ չի լինի այս ժամանակ, սակայն առանց կայունության դուք չեք կարող որևէ բանակցություններում որևէ բանի հասնել: Այդ պատճառով ես ասացի, որ մենք ուղղակի անցանք զինյալների հետ բանակցությունների (Աստանայում), դա մեր նախապատվությունը չէ, սակայն առայժմ դա ավելի արդյունավետ է»,- ավելացրել է Ասադը: