Գերմանիայի ոստիկանությունը ծագումով Ռուսաստանից 28-ամյա երիտասարդին կասկածում է «Բորուսիա» ակումբի ֆուտբոլիստների վրա հարձակում կատարելու մեջ։ Հարձակման հետևանքով խաղացողներից մեկը վնասվածքներ էր ստացել։ Այս մասին հայտնում է Bild թերթը՝ հղում անելով քննչական մարմիններում սեփական աղբյուրներին։
Պարբերականի տեղեկություններով՝ կասկածյալն արդեն ձերբակալվել է։ Իրավապահ մարմինների կողմից պաշտոնական հաստատում դեռևս չկա։
Ռուսաստանցու վրա, ով կասկածվում է նաև 20 սպանության իրականացման մեջ, ուշադրություն են դարձրել պայթյունի վայրից ոչ հեռու գտնվող հյուրանոցի աշխատակիցները, որտեղ մնացել են ֆուտբոլիստները։ Նրանց տարօրինակ է թվացել այն, որ տարհանման ժամանակ Սերգեյ Վ.-ն որոշել է չլքել հյուրանոցը, այլ գնացել է ռեստորան և ընթրիք պատվիրել։ Բացի այդ, նա հրաժարվել էր իրեն առաջարկված առաջին սենյակից և խնդրել համար՝ փողոց բացվող տեսարանով։ Ոստիկանությունը կարծում է, որ նա հեռակառավարմամբ է պայթեցրել ռումբը։
Համաձայն քննության տվյալների՝ նա ահաբեկչությունից անմիջապես առաջ համացանցով ձեռք էր բերել «Բորուսիայի» արժեթղթեր։ Նա ցանկացել է ահաբեկչության միջոցով արժեթղթերի փոխարժեքի տատանում հրահրել և դրանով գումար աշխատել։