Բելառուսի նախագահ Ալեքսանդր Լուկաշենկոն հայտարարել է, որ Մինսկը չի փոխել իր արտաքին քաղաքականության ուղղությունը՝ հօգուտ Արևմուտքի, հաղորդում է RIA Novosti-ն:
«Ուշադրություն մի՛ դարձրեք, եթե ինչ-որ մեկն ասի, որ մենք ինչ-որ տեղ ենք թեքվել, գնում ենք դեպի Արևմուտք կամ ինչ-որ այլ տեղ: Մենք քաջ գիտակցում ենք՝ որն է մեր տեղը. Արևմուտքում ոչ մեկին պետք չենք, իսկ ինչպես են ինձ «սիրում» Արևմուտքում, այդ ժամանակից ի վեր ոչինչ չի փոխվել»,-ասել է Լուկաշենկոն Նիժեգերոդսկի նահանգապետի հնետ հանդիպմանը:
Նրա խոսքով՝ քանի որ Բելառուսը գտնվում է Եվրոպայի կենտրոնում, Մինսկը ստիպված է բազմավեկտոր քաղաքականություն իրականացնել, որպեսզի պահպանի երկրի անվտանգությունը, ինքնիշխանությունը, անկախությունը: Լուկաշենկոն ընդգծել է, որ Բելառուսը չի կարող վիճել ո՛չ Ռուսաստանի, ո՛չ Արևմուտքի հետ, ո՛չ էլ Ուկրաինայի հետ: