RIA Novosti-ի փոխանցմամբ` ԱՄՆ-ի գերատեսչությունները 90 օրվա ընթացքում Իրանի հետ միջուկային գործարքի վերաբերյալ խորհուրդներ կմշակեն երկրի նախագահ Դոնալդ Թրամփի համար, հայտարարել է Սպիտակ տան պաշտոնական ներկայացուցիչ Շոն Սփայսերը:
Նրա խոսքերով` ԱՄՆ նախագահ Դոնալդ Թրամփը կասկածում է Իրանի հետ գործարքին, և այդ կապակցությամբ ԱՄՆ գերատեսչություններին հանձնարարել է այն վերանայել:
«Մենք գիտենք այն մասին, թե ինչպիսի պոտենցիալ ազդեցություն կարող են ունենալ մեր գործողությունները»,- ասել է նա, պատասխանելով Իրանի դեմ հնարավոր նոր պատժամիջոցների սահմանման մասին հարցին:
Սփայսերը նշել է, որ «մենք կատարում ենք միջգերատեսչական գնահատում (գործարքին)»:
«90 օրվա ընթացքում դա կդիտարկվի: Մենք նախագահի համար կունենանք խորհուրդներ (արդյունքներով)»,- ավելացրել է նա: