Աննախադեպ իրավիճակ է ստեղծվել Թուրքիայում. առաջին անգամ ցցուն կեղծիքներով ընտրություններ են անցկացվել: Այս մասին այսօր լրագրողների հետ հանդիպմանն ասաց հրապարակախոս Սարգիս Հացպանյանը:
Հրապարակախոսի խոսքով՝ նման բան Թուրքիայի պատմության մեջ երբեք չի եղել, առաջին անգամ եղավ. «Էրդողանը գիտակցեց, որ «ոչ»- ը հաղթում է և սուլթան կարգվելու իր երազանքը չի իրականանալու, ուստի դիմեց կեղծիքների»:
Ըստ Հացպանյանի՝ Թուրքիայի խոշոր 17 քաղաքներում «ոչ»- ն է հաղթել, այսինքն՝ իշխանությունը պարտվել է: «Ժողովրդի կեսը, հիմնականում քաղաքաբնակները Էրդողանի դեմ են քվեարկել: Իրեն սուլթան պատկերացնելու երազանքը Էրդողանի բկին կանգնեց: Սա թվացյալ հաղթանակ էր և, իրականում, պարտություն էր»,- նշեց հրապարակախոսը:
Մանրամասները՝ տեսանյութում: